RUHIY SALOMATLIGI BUZILGAN BOLALARDA ART PEDAGOGIKA YORDAMIDA PEDAGOGIK FAOLIYATNI TASHKIL ETISHNING ILMIY-NAZARIY ASOSLARI

Mazkur maqolada ruhiy salomatligi buzilgan bolalar bilan ishlash jarayonida art-pedagogik yo‘nalish vositalaridan foydalanishning ilmiy-nazariy asoslari yoritilgan. Tadqiqotda estetik va ijodiy faoliyatning bolalar emotsional holati, ijtimoiy moslashuvi hamda shaxsiy rivojlanishiga ta’siri tahlil qilingan. Art-pedagogik yondashuv doirasida rasm chizish, musiqa, dramatizatsiya va amaliy ijodiy mashg‘ulotlarning pedagogik imkoniyatlari ochib berilgan. Tahlil natijalari art-pedagogik vositalar ruhiy zo‘riqishni kamaytirish, o‘z-o‘zini ifoda etish qobiliyatini rivojlantirish va estetik didni shakllantirishda samarali ekanini ko‘rsatdi. Maqola natijalari maxsus va inklyuziv ta’lim amaliyotida art-pedagogik yondashuvni qo‘llash uchun ilmiy-amaliy ahamiyatga ega.