BO'LAJAK O'QITUVCHILARDA INFORMATSION-ANALITIK KOMPETENTLIKNI RIVOJLANTIRISHGA TA'SIR ETUVCHI OMILLAR

Ushbu maqolada bo‘lajak o‘qituvchilarda informatsion-analitik kompetentlikni shakllantirish va rivojlantirishga ta’sir etuvchi asosiy omillar tahlil qilinadi. Bugungi kunda ta’lim jarayonining raqamlashtirilishi, axborot texnologiyalarining jadal rivojlanishi hamda ta’limda zamonaviy yondashuvlarning joriy etilishi o‘qituvchilardan yuqori darajadagi informatsion-analitik salohiyatni talab qilmoqda. Shu bois, maqolada bo‘lajak pedagoglarni kasbiy tayyorlashda mazkur kompetentlikni rivojlantirishga xizmat qiluvchi pedagogik, texnologik va tashkiliy omillar yoritiladi. Shuningdek, informatsion-analitik kompetentlikning mazmuni, uning tarkibiy qismlari, amaliy ahamiyati va uni shakllantirish usullari tahlil etilgan. Mazkur tadqiqot natijalari kelajakdagi o‘qituvchilarning kasbiy tayyorgarligini takomillashtirishga hamda zamonaviy ta’lim talablari asosida ularni raqobatbardosh kadr sifatida tayyorlashga xizmat qiladi.