МРХПГ ВА КТ-ХОЛАНГИОГРАФИЯНИНГ ЎТ ЙЎЛЛАРИ ПАТОЛОГИЯСИНИ АНИҚЛАШДАГИ ҚИЁСИЙ ДИАГНОСТИК АҲАМИЯТИ

Резюме. Тадқиқотнинг мақсади: Магнит-резонанс холангиопанкреатография (МРХПГ) ва компьютер томография-холангиографиянинг ўт йўллари патологияларини аниқлашдаги диагностик самарадорлигини қиёслаш ва клиник амалиётда уларни қўллаш алгоритмларини ишлаб чиқиш. Материал ва усуллар: Тадқиқотга 2022-2024 йилларда Тошкент тиббиёт академияси клиник базаларида ўт йўллари патологияси шубҳаси билан мурожаат қилган 186 нафар бемор киритилди. Барча беморларга МРХПГ (1.5T Siemens Magnetom Aera) ва мультиспирал КТ (64-срезли Philips Brilliance CT) текширувлари ўтказилди. Олтин стандарт сифатида эндоскопик ретроград холангиопанкреатография (ЭРХПГ, n=94), лапароскопик холецистэктомия (n=68) ва гистологик текшириш (n=24) натижалари қабул қилинди. Статистик таҳлил SPSS 26.0 дастури ёрдамида амалга оширилди. Натижалар: МРХПГ холедохолитиазни аниқлашда 94.7% сезгирлик (95% CI: 88.1-98.3%), 96.2% ўзига хослик (95% CI: 89.3-99.2%) ва 95.2% аниқликка эга бўлди. КТ-холангиография мос равишда 87.3% (95% CI: 79.2-93.1%), 92.5% (95% CI: 84.4-97.2%) ва 89.2% кўрсаткичларни кўрсатди (p