BOSHLANG'ICH SINF O'QUVCHILARINING BILIMINI BAHOLASHDA SUN'IY INTELLEKT TEXNALOGIYALARIDAN FOYDALANISH

Ushbu ishda boshlang‘ich sinf o‘quvchilarining bilimini baholash jarayonida sun’iy intellekt (SI) texnologiyalaridan foydalanishning nazariy va amaliy jihatlari tahlil qilinadi. Sun’iy intellektning ta’lim jarayonida qo‘llanilishi o‘quvchilarning bilim, ko‘nikma va kompetensiyalarini tezkor va aniq baholash, ularning individual rivojlanishini kuzatish hamda o‘qituvchiga diagnostika ma’lumotlarini taqdim etishga imkon beradi. Ushbu ishda SI texnologiyalarining pedagogik imkoniyatlari, metodik asoslari va o‘quv jarayonida qo‘llanish usullari ko‘rib chiqiladi. Shuningdek, boshlang‘ich sinf o‘quvchilarining psixologik va yosh xususiyatlari, ularni rag‘batlantirish usullari, shaxsiylashtirilgan va interaktiv baholashning afzalliklari tahlil qilinadi. Ishda SI texnologiyalari yordamida baholash jarayonini avtomatlashtirish, o‘quvchi va o‘qituvchining o‘zaro hamkorligini kuchaytirish hamda ota-onaning ta’lim jarayonidagi ishtirokini ta’minlash masalalari yoritiladi. Natijada, SI texnologiyalarini baholash jarayonida qo‘llash boshlang‘ich ta’limda ta’lim sifatini oshirish, o‘quvchilarning motivatsiyasini kuchaytirish va individual yondashuvni ta’minlashga xizmat qilishi aniqlanadi.