LOTIN YOZUVIGA O'TISHNING O'ZBEK TILIGA TA'SIRI AFZALLIK VA QIYINCHILIKLARI

Mazkur maqolada o‘zbek tilini lotin yozuviga o‘tkazish jarayoni lingvistik, ijtimoiy-madaniy hamda texnologik jihatlar nuqtayi nazaridan kompleks ilmiy tahlil qilinadi. Tadqiqotda yozuv islohotining o‘zbek tilini modernizatsiya qilish va uning funksional rivojiga ta’siri, shuningdek, tilning global axborot-kommunikatsiya makoniga integratsiyalashuvidagi o‘rni yoritib beriladi. Maqolada lotin yozuvining ta’lim tizimi, raqamli texnologiyalar hamda tilni standartlashtirish jarayonlariga ko‘rsatadigan ta’siriga alohida e’tibor qaratiladi. Bundan tashqari, yozuv islohotini amalga oshirish jarayonida yuzaga kelayotgan asosiy muammolar, jumladan, imlo me’yorlarining barqaror emasligi, avlodlar o‘rtasida yozuvdan foydalanishdagi tafovutlar hamda yozuvlarning parallel qo‘llanishi bilan bog‘liq masalalar aniqlanadi. Ilmiy tahlil va amaldagi til siyosati tajribalariga tayangan holda mazkur muammolarni bartaraf etishning mumkin bo‘lgan yechimlari va strategik yondashuvlari taklif etiladi.