INGLIZ VA O'ZBEK TILLARIDA "KO' Z/EYE" KATTA KOMPONENTLI FRAZEOLOGIZMLARNING QIYOSIY TAHLILI

Mazkur maqolada ingliz va o‘zbek tillarida “ko‘z / eye” komponenti ishtirok etgan frazeologik birliklarning qiyosiy tahlili amalga oshiriladi. Tadqiqotda ushbu frazeologizmlarning semantik, strukturaviy va lingvomadaniy xususiyatlari o‘rganilib, ularning o‘xshash va farqli jihatlari aniqlanadi. “Ko‘z / eye” komponentli frazeologizmlar har ikki tilda ham insonning ichki kechinmalari, munosabati, baholashi hamda ijtimoiy tajribasini ifodalashda muhim vosita sifatida namoyon bo‘lishi tahlil qilinadi. Maqolada frazeologik birliklarning milliy–madaniy mazmuni, metaforik asoslari va nutqdagi funksional qo‘llanilishi alohida yoritiladi. Tadqiqot natijalari qiyosiy tilshunoslik, frazeologiya va tarjimashunoslik sohalari uchun nazariy hamda amaliy ahamiyatga ega.