SHARQ MUTAFAKKIRLARINING AVLОDLARARO MUNOSABATLARNI MUVOFIQLASHTIRISH HAQIDAGI IJTIMOIY-FALSAFIY QARASHLARI

Mazkur maqolada Sharq mutafakkirlarining oila va tarbiya haqidagi qarashlari avlodlararo munosabatlarni muvofiqlashtirish masalasi bilan uzviy bog‘liq holda ijtimoiy-falsafiy jihatdan tahlil qilinadi. Islom falsafasi, tasavvuf ta’limoti va o‘zbek ma’rifatparvarlari merosida ota-ona va farzand o‘rtasidagi munosabatlar, avlodlar uzviyligi, axloqiy vorislik va ma’naviy mas’uliyat masalalari markaziy o‘rin egallashi asoslab beriladi. Ibn Sino, Fitrat, Ahmad Yassaviy, Bahovuddin Naqshband, Najmiddin Kubro, Abu Rayhon Beruniy hamda Abdulla Avloniy qarashlari asosida oilaning ijtimoiy institut sifatidagi barqarorligi jamiyat taraqqiyotining muhim omili ekanligi ochib beriladi. Tadqiqotda zamonaviy oilalarda yuzaga kelayotgan nuklear va mezalyans jarayonlari avlodlararo munosabatlarga ta’siri nuqtai nazaridan tahlil qilinadi.