SUN'IY INTELLEKTNING AKADEMIK YOZMA NUTQQA TA'SIRI

Sun’iy intellekt texnologiyalarining akademik yozma nutq jarayoniga ko‘rsatadigan ta’siri ilmiy-nazariy jihatdan tahlil qilinadi. Tadqiqot davomida akademik yozuvning an’anaviy talablari va zamonaviy raqamli vositalar o‘rtasidagi o‘zaro munosabatlar yoritilib, sun’iy intellektning ilmiy matn yaratish, tahrirlash va strukturaviy takomillashtirishdagi roli ochib beriladi. Shuningdek, maqolada sun’iy intellektdan foydalanishning ijobiy jihatlari bilan bir qatorda, akademik halollik, mualliflik mas’uliyati va ilmiy uslubning standartlashuvi bilan bog‘liq muammolar ham tahlil qilinadi. Tadqiqot natijalari sun’iy intellektni akademik yozma nutqda yordamchi vosita sifatida me’yoriy va ongli qo‘llash zarurligini asoslab beradi hamda ushbu sohada olib boriladigan keyingi ilmiy izlanishlar uchun nazariy xulosalar taqdim etadi.