INGLIZ TILINI O'QITISHDA KOLLABORATIV YONDASHUVNING SAMARADORLIGI

Mazkur tadqiqot ishida ingliz tilini o‘qitishda kollaborativ yondashuvning pedagogik ahamiyati va ta’lim jarayonidagi samaradorligi tahlil qilinadi. Tadqiqot jarayonida kollaborativ ta’limning mohiyati, uning ingliz tili darslarida qo‘llanilish shakllari hamda o‘quvchilarning kommunikativ kompetensiyalarini rivojlantirishdagi o‘rni yoritib beriladi. Shuningdek, guruh va juftliklarda ishlashga asoslangan faoliyatlarning o‘quvchilarning nutq faolligi, ijtimoiy muloqot ko‘nikmalari va o‘quv motivatsiyasiga ta’siri ilmiy-pedagogik nuqtayi nazardan asoslab beriladi. Tadqiqot natijalari ingliz tilini o‘qitish jarayonida kollaborativ yondashuvdan samarali foydalanish ta’lim sifatini oshirishga xizmat qilishini ko‘rsatadi.