RAQAMLI TA'LIM SHAROITIDA RAHBAR KADRLARNING KOMPETENSIYALARINI RIVOJLANTIRISH STRATEGIYALARI

Ushbu maqolada raqamli ta'lim sharoitida ta'lim muassasalari rahbarlarining kompetensiyalarini rivojlantirish strategiyalari va ularning samaradorligini oshirishdagi ahamiyati ilmiy jihatdan tahlil qilinadi. Maqolada rahbarlar uchun zarur texnik, boshqaruv va ijtimoiy-axborot kompetensiyalari tizimli ravishda rivojlantirilishi, KPI va elektron platformalar yordamida monitoring qilinishi, shuningdek, innovatsion va strategik boshqaruv koʻnikmalarini shakllantirish muhimligi ta'kidlanadi. Oʻzbekiston sharoitidagi raqamli ta'lim konsepsiyasi va boshqaruv tizimini optimallashtirish amaliyotlari misol qilib keltiriladi. Tadqiqot natijalari raqamli transformatsiya jarayonida rahbar kompetensiyalarini rivojlantirish ta'lim sifatini oshirish va global raqobatbardoshlikni kuchaytirishda muhim omil ekanligini koʻrsatadi.