ELEKTR TA'MINOTI UZILISHLARINING XARAJATLARI VA YOʻQOTISHLARINI HISOBGA OLISH

Mazkur maqolada elektr energiyasini ishlab chiqarish, yetkazib berish va iste'mol qilish jarayonidagi yoʻqotishlar hamda ta'minotdagi uzilishlar natijasida yuzaga keladigan iqtisodiy zararlar tahlil qilingan. Tadqiqotda elektr energiyasining tijorat yoʻqotishlarini buxgalteriya hisobida alohida ob'ekt sifatida aks ettirish, "Tijorat elektr yoʻqotishlari" maxsus subschyotini joriy etish metodologiyasi ilgari surilgan. Shuningdek, elektr uzilishlarining toʻgʻridan-toʻgʻri va bilvosita iqtisodiy xarajatlari, ularning milliy iqtisodiyotga va investitsiya muhitiga salbiy ta'siri koʻrib chiqilgan. Maqolada xalqaro tajriba va standartlar asosida yoʻqotishlarni minimallashtirish hamda hisob tizimini takomillashtirish boʻyicha ilmiy takliflar bayon etilgan.