IJTIMOIY INTEGRATSIYA VA REINTEGRATSIYA TUSHUNCHALARINING PEDAGOGIK TALQINI (Gospital pedagogika misolida)

Mazkur maqolada ijtimoiy integratsiya va reintegratsiya tushunchalarining pedagogik mohiyati gospital pedagogika misolida ilmiy-nazariy jihatdan tahlil qilinadi. Tadqiqotda sog‘lig‘i sababli uzoq muddat ta’lim muhitidan chetda qolgan bolalarning jamiyat va ta’lim tizimiga qayta moslashuvi muammolari yoritilgan. Ijtimoiy integratsiyaning kommunikativ, ta’limiy, emotsional va ijtimoiy-me’yoriy komponentlari ochib berilgan. Shuningdek, reintegratsiya jarayoni tayyorgarlik, o‘tish va barqarorlashuv bosqichlari asosida tizimlashtirilgan. Maqola gospital pedagogikani ta’lim uzluksizligi va ijtimoiy tiklanishni ta’minlovchi muhim pedagogik mexanizm sifatida asoslaydi.