MAKTABGACHA TA'LIM TASHKILOTIDA INKLYUZIV MUHITIDA ART-TERAPIYA IMKONIYATI CHEKLANGAN BOLALARNING MUVAFFAQIYATLI IJTIMOIYLASHUVINI BELGILOVCHI OMIL SIFATIDA

O'zbekiston Respublikasining zamonaviy ta'lim siyosati ta'limni insonparvarlashtirish, ta'lim xizmatlaridan teng foydalanishni ta'minlash hamda inklyuziv ta'lim muhitini rivojlantirishga yo'naltirilgan. Ushbu jarayonda maktabgacha ta'lim shaxs shakllanishi, ijtimoiy identifikatsiya va kommunikativ ko'nikmalar rivojining poydevori sifatida alohida ahamiyat kasb etadi. Imkoniyati cheklangan bolalar ko'pincha ijtimoiy moslashuvda qiyinchiliklarga duch keladi, bu esa muloqot buzilishlari, emotsional barqarorlikning pasayishi va o'zini ifodalash shakllarining cheklanganligida namoyon bo'ladi. Shu munosabat bilan nafaqat nuqsonlarni tuzatishga, balki bolaning shaxsiy salohiyatini rivojlantirishga yo'naltirilgan pedagogik texnologiyalarni izlash zarurati ortmoqda.