GLOBAL PEDAGOGIKADA RAQAMLI SAVODXONLIK: EMPIRIK MA'LUMOTLAR, MUAMMOLAR VA TA'LIM STRATEGIYALARI

Raqamli savodxonlik global pedagogikaning asosiy kompetensiyalaridan biri bo'lib, xalqaro ta'limga kirish imkoniyatlarini, ta'lim sifati va akademik mobillikni belgilab beradi. Mazkur maqolada turli mamlakatlar oliy ta'lim muassasalarida tahsil olayotgan talabalar va faoliyat yuritayotgan professor-o'qituvchilar o'rtasida o'tkazilgan nazariy tahlil hamda original empirik tadqiqot natijalari keltirilgan. So'rovnoma va statistik tahlil asosida raqamli kompetensiyalar darajasi, ularning pedagogik jarayonga integratsiyasi hamda institutsional qo'llab-quvvatlash borasida sezilarli farqlar aniqlangan. Olingan natijalar raqamli savodxonlikni xalqaro ta'lim standartlariga muvofiq ravishda tizimli rivojlantirish zarurligini tasdiqlaydi.