TALABALARNING AKADEMIK KO'NIKMALARI VA KASBIY KOMPETENSIYALARINI RIVOJLANTIRISHDA MUSTAQIL TA'LIM FAOLIYATINI TASHKIL ETISHNING PEDAGOGIK ASOSLARI

Mazkur maqolada oliy ta'lim muassasalarida tahsil olayotgan talabalarning akademik ko'nikmalari va kasbiy kompetensiyalarini shakllantirish hamda rivojlantirishda mustaqil ta'lim faoliyatini samarali tashkil etish masalalari tahlil qilinadi. Tadqiqotda mustaqil ta'lim faoliyatining pedagogik mazmuni, uning kompetensiyaviy yondashuv asosida tashkil etilish xususiyatlari hamda ta'lim jarayonidagi ahamiyati yoritilgan. Ilmiy ish jarayonida nazariy tahlil, pedagogik kuzatuv, so'rovnoma va tajriba- sinov metodlaridan foydalanildi. Olingan natijalar mustaqil ta'lim faoliyatini rejalashtirilgan va tizimli tashkil etish talabalarning akademik tayyorgarligi hamda kasbiy kompetensiyalarining rivojlanishiga ijobiy ta'sir ko'rsatishini tasdiqladi. Tadqiqot xulosalari oliy ta'lim amaliyotida mustaqil ta'lim jarayonini takomillashtirish uchun muhim metodik asos bo'lib xizmat qiladi.