XONANDALIK SAN'ATIDA NAFAS OLISH MEXANIZMLARINING ANATOMIK VA AMALIY ASOSLARI

ushbu maqolada vokal ijrochiligida nafas olish jarayonining anatomik- fiziologik asoslari va uning ovoz sifatiga ta'siri yoritilgan. Nafas olishda ishtirok etuvchi asosiy tuzilmalar — o'pka, diafragma va qovurg'a tizimining faoliyati ilmiy jihatdan tahlil qilinadi. Shuningdek, vokal san'atida keng qo'llaniladigan nafas olish turlari qiyosiy ko'rib chiqilib, qovurg'a-diafragma (diafragmatik) nafas olish usulining afzalliklari asoslab beriladi. Maqolada xonandalar uchun nafasni boshqarish, havoni bir maromda chiqarish va tayanch ovozni mustahkamlashga qaratilgan amaliy mashqlar tizimi ham taklif etilgan. Tadqiqot natijalari vokal pedagogikasi va ijrochilik amaliyotida samarali foydalanish uchun tavsiya etiladi.