Tibbiy ta'lim yo'nalishlari talabalarining xorijiy til kompetensiyasini shakllantirish

Mazkur maqolada tibbiy ta’lim yo‘nalishlari talabalarining xorijiy til kompetentsiyasini shakllantirish masalasi pedagogik nuqtayi nazardan tahlil etiladi. Globalizatsiya sharoitida tibbiyot sohasi mutaxassislaridan nafaqat klinik bilim va ko‘nikmalar, balki xorijiy tilni, xususan, ingliz tilini mukammal egallash talab qilinadi. Maqolada xorijiy til kompetentsiyasining nazariy asoslari, uni shakllantirishda qo‘llaniladigan kommunikativ, kognitiv va refleksiv metodlar hamda CLIL yondashuvi yoritib berilgan. Shuningdek, talabalar bilimini oshirishda interaktiv mashg‘ulotlar, mustaqil ta’lim va innovatsion texnologiyalarning ahamiyati ko‘rsatib o‘tiladi. Tadqiqot natijalariga ko‘ra, xorijiy til kompetentsiyasiga ega bo‘lgan talaba o‘z kasbiy faoliyatida samarali muloqot qila olishi, ilmiy izlanishlar olib borishi va xalqaro tajribalarni o‘zlashtirishi mumkin.