Polietilenning termo-oksidlanish degradatsiyasiga antioksidant stabilizatorlarning ta'siri

Maqolada polietilenning termo-oksidlanish degradatsiyasi hamda ushbu jarayonlarni sekinlashtirishda antioksidant stabilizatorlarning ahamiyati tahlil qilinadi. Polietilenning yuqori harorat va kislorod ishtirokida degradatsiyaga uchrashi erkin radikal mexanizmlar orqali kechib, uning ekspluatatsion xossalarining pasayishiga olib keladi. Ishda sintetik va tabiiy antioksidantlarning samaradorligi oksidlanish induksiya vaqti (OIT) hamda oksidlanish boshlanish harorati (OOT) ko‘rsatkichlari asosida baholanadi. Natijalar polietilen materiallarining termik barqarorligini oshirish va xizmat muddatini uzaytirishda samarali hamda ekologik barqaror stabilizatsiya yondashuvlarini ishlab chiqish zarurligini ko‘rsatadi.