OʻZBEK MUSIQA TARIXI FANINI OʻQITISH ORQALI TALABA YOSHLARNI MA'NAVIY-AXLOQIY TARBIYALASH MASALALARI

Mazkur maqolada oliy ta'lim muassasalarida “Oʻzbek musiqa tarixi” fanini oʻqitish jarayonining talaba yoshlarning ma'naviy-axloqiy kamolotiga ta'siri ilmiy-nazariy jihatdan tahlil qilinadi. Oʻzbek milliy musiqasi asrlar davomida xalqning ruhiyati, dunyoqarashi, axloqiy me'yorlari va estetik ideallarini aks ettirib kelgan bebaho madaniy meros sifatida qaraladi. Tadqiqotda musiqa tarixi darslari orqali talabalar ongida milliy oʻzlikni anglash, vatanparvarlik, insonparvarlik, estetik did va axloqiy qadriyatlarni shakllantirish imkoniyatlari yoritiladi. Shuningdek, mumtoz musiqa, maqom san'ati, xalq kuy-qoʻshiqlari va bastakorlik maktablarining tarbiyaviy salohiyati ochib beriladi. Maqolada ta'lim jarayonida musiqa tarixini zamonaviy pedagogik yondashuvlar asosida oʻqitish talaba yoshlarning ma'naviy immunitetini mustahkamlashda muhim omil ekanligi asoslab beriladi.