ONGLI ISTE'MOL - BUGUNNING TANLOVI, ERTANING KELAJAGI.

Mazkur maqolada ongli iste’mol tushunchasi, uning zamonaviy jamiyatdagi ahamiyati hamda aholining moliyaviy xulq-atvori tahlil qilinadi. Tadqiqotda insonlarning zarur bo‘lmagan tovar va xizmatlarni xarid qilishi, baland foizli kreditlardan noto‘g‘ri foydalanishi natijasida shaxsiy va oilaviy iqtisodiy inqirozlarga duch kelayotgani yoritilgan. Shuningdek, aholining moliyaviy savodxonligi pastligi, pulni rejalashtirish va boshqarish ko‘nikmalarining yetishmasligi asosiy muammo sifatida ko‘rsatib o‘tiladi. Maqolada puxta o‘ylamay qabul qilingan moliyaviy qarorlarning farzandlar kelajagiga salbiy ta’siri ochib berilib, ongli iste’molni shakllantirish zarurligi asoslab beriladi.