ONA TILI DARSLARIDA TANQIDIY FIKRLASHNI RIVOJLANTIRISH METODIKASI

Mazkur maqolada ona tili darslarida o‘quvchilarning tanqidiy fikrlash ko‘nikmalarini rivojlantirish metodikasi yoritilgan. Bugungi ta’lim jarayonida tanqidiy fikrlash shaxsning mustaqil, mantiqiy va asosli fikr yurita olish qobiliyatini shakllantirishda muhim ahamiyat kasb etadi. Shu sababli ona tili fanini o‘qitish jarayonida o‘quvchilarning faqat grammatik bilimlarini emas, balki tahlil qilish, solishtirish, xulosa chiqarish va baholash kabi intellektual ko‘nikmalarini rivojlantirish dolzarb masala hisoblanadi. Maqolada tanqidiy fikrlash tushunchasining nazariy asoslari tahlil qilinib, uni ona tili darslarida shakllantirishga xizmat qiluvchi samarali metod va usullar bayon etilgan. Jumladan, muammoli ta’lim, savol-javob texnologiyalari, klaster, insert, munozara, matn asosida tahlil qilish kabi interfaol metodlarning didaktik imkoniyatlari ochib berilgan.