परयटन सथळचय मधयमतन भरतचय इतहसच दरशन

भारताची ऐतिहासिक वाटचाल प्राचीन, मध्ययुगीन व आधुनिक अशा विविध टप्प्यांतून घडलेली असून तिचे मूर्त प्रतिबिंब देशातील असंख्य पर्यटन स्थळांमध्ये आढळते. किल्ले, मंदिरे, लेणी, राजवाडे, धार्मिक वास्तू, ऐतिहासिक शहरे व स्मारके ही केवळ पर्यटकांची आकर्षणे नसून ती भारताच्या सामाजिक, सांस्कृतिक, राजकीय व आर्थिक इतिहासाची प्रत्यक्ष साक्ष देतात. प्रस्तुत संशोधन लेखाचा उद्देश पर्यटन स्थळांच्या आधारे भारताच्या इतिहासातील विविध कालखंडांचे विश्लेषण करणे हा आहे. दुय्यम माहितीच्या आधारे प्राचीन, मध्ययुगीन व आधुनिक भारतातील निवडक पर्यटन स्थळांचा अभ्यास करण्यात आला आहे. अभ्यासातून असे दिसून येते की ऐतिहासिक पर्यटनामुळे इतिहाससंवर्धन, सांस्कृतिक जाणीव, राष्ट्रीय ऐक्य आणि आर्थिक उपक्रमांना चालना मिळते. त्यामुळे पर्यटन स्थळे ही इतिहास जतन व प्रसाराची प्रभावी माध्यमे ठरतात.