Boshlang'ich fizika kursida masala matniga tayangan holda tushunishni shakllantirishda matematik yondashuvning metodik imkoniyatlari

Mazkur maqolada umumta’lim maktablarining 7–8-sinflarida fizika fanini o‘qitish jarayonida o‘quvchilarning mavjud matematik tayyorgarligiga tayangan holda fizik tushunchalarni shakllantirish masalalari yoritiladi. Fizika fanini murakkab va formulalarga boy fan sifatida qabul qiladigan o‘quvchilar uchun masala matniga asoslangan yondashuvning metodik imkoniyatlari tahlil qilinadi. Tadqiqotda matematik nisbatlar, birliklar va algebraik munosabatlarga tayangan holda fizik mazmunni anglash jarayoni ochib beriladi. Masala matni orqali tashkil etilgan o‘qitish o‘quvchilarda formuladan qo‘rqmaslik, fizik jarayonlarni mantiqan tushunish va ongli o‘zlashtirishni shakllantirishga xizmat qilishi asoslab beriladi.