TIJORAT BANKLARI VA MARKAZIY BANK O'RTASIDAGI FARQ VA O'ZARO BOG'LIQLIK

Mazkur maqolada tijorat banklari va Markaziy bank o‘rtasidagi institutsional farqlar hamda ularning o‘zaro bog‘liqligi tizimli ravishda tahlil qilinadi. Tadqiqotda bank tizimining ikki pog‘onali modeli asosida Markaziy bankning pul-kredit siyosatini amalga oshirishdagi roli, tijorat banklarining esa real sektorni moliyalashtirishdagi funksiyalari ochib beriladi. Shuningdek, Markaziy bank tomonidan qo‘llaniladigan monetar instrumentlarning tijorat banklari faoliyatiga ta’siri, banklararo munosabatlarning barqarorlikni ta’minlashdagi ahamiyati yoritiladi. Maqolada zamonaviy iqtisodiy sharoitlarda ushbu ikki institut o‘rtasidagi muvozanatli hamkorlik moliya tizimi barqarorligini mustahkamlovchi asosiy omillardan biri ekanligi ilmiy jihatdan asoslab beriladi. Tadqiqot natijalari bank tizimini takomillashtirish va pul-kredit siyosati samaradorligini oshirishga doir xulosalar chiqarish imkonini beradi.