КОРОНАР РЕВАСКУЛЯРИЗАЦИЯДАН КЕЙИН СТАТИНЛАРНИНГ ЯЛЛИҒЛАНИШ МАРКЕРЛАРИГА ТАЪСИРИ

Резюме. Юрак ишемик касаллиги (ЮИК) кекса ёшдаги беморларда юқори ногиронлик ва ўлим кўрсаткичлари билан кечадиган долзарб тиббий-ижтимоий муаммо ҳисобланади. Замонавий даволаш усуллари, жумладан тери орқали коронар аралашув (ТОКА) ва статинлар қўлланилишига қарамасдан, дислипидемия ва яллиғланиш олди цитокинлар билан боғлиқ резидуал кардиоваскуляр хавф сақланиб қолмоқда. Ушбу тадқиқотнинг мақсади ТОКА ўтказилган юрак ишемик касаллиги бўлган кекса беморларда розувастатин ва унинг фенофибрин кислота билан комбинациясининг липид алмашинуви ҳамда яллиғланиш маркерларига таъсирини баҳолашдан иборат. Тадқиқотда 109 нафар барқарор III–IV функционал синф стенокардияси билан оғриган кекса беморлар иштирок этди. Беморларда қон липид спектри кўрсаткичлари, яллиғланиш олди цитокинлар (IL-6, TNF-α) ва C-реактив оқсил даражаси таҳлил қилинди. Натижалар комбинацияланган терапия умумий холестерин, паст зичликдаги липопротеинлар ва триглицеридларни сезиларли камайтириши, юқори зичликдаги липопротеинлар миқдорини ошириши ҳамда яллиғланиш маркерларининг пасайишига олиб келишини кўрсатди. Узоқ муддатли кузатувда ушбу терапия миокард инфаркти, қайта аралашув ва касалхонага ётқизиш ҳолатларининг камайиши билан тавсифланди. Калит сўзлар: юрак ишемик касаллиги, гиполипидемик терапия, розувастатин, фенофибрин кислота, цитокинлар, тери орқали коронар аралашув, атеросклероз.