PAEONIA LACTIFLORA VA GINKGO BILOBA O'SIMLIKLARINING FITOKIMYOVIY TAHLILI HAMDA FARMATSEVTIK KO'RSATKICHLARINI BAHOLASH

Mazkur tadqiqot Paeonia lactiflora va Ginkgo biloba dorivor o‘simliklarining fitokimyoviy tarkibini tahlil qilish hamda ularning farmatsevtik ko‘rsatkichlarini baholashga bag‘ishlangan. Tadqiqotda Paeonia lactiflora o‘simligining ildizlari va Ginkgo biloba o‘simligining barglari xomashyo sifatida tanlab olindi. Fitokimyoviy tahlillar davomida flavonoidlar, fenolik birikmalar, glikozidlar, saponinlar va boshqa biologik faol moddalarning mavjudligi aniqlandi. Natijalar shuni ko‘rsatdiki, Ginkgo biloba barglari flavonoidlar va fenolik birikmalarga boy bo‘lib, uning antioksidant va vazoprotektiv xususiyatlarini izohlaydi. Paeonia lactiflora ildizlarida esa monoterpen glikozidlari, xususan paeoniflorinning yuqori miqdorda aniqlanishi o‘simlikning yallig‘lanishga qarshi va og‘riq qoldiruvchi ta’siri bilan bog‘liq ekanligini ko‘rsatdi. Farmatsevtik ko‘rsatkichlarni baholash natijasida har ikkala o‘simlik xomashyosi farmakopeya talablariga mos ekanligi aniqlandi. Olingan natijalar Paeonia lactiflora va Ginkgo biloba o‘simliklaridan tayyorlanadigan fitopreparatlarning farmatsevtik amaliyotda qo‘llanishini ilmiy jihatdan asoslashga xizmat qiladi.