SUN'IY INTELLEKTDA O'ZBEK TILIDAGI ADABIY MATNLARNI TARJIMA QILISHDAGI MUAMMOLAR

Mazkur maqolada sun’iy intellekt asosidagi tarjima tizimlarining o‘zbek tilidagi adabiy matnlarni tarjima qilishdagi murakkab muammolari tizimli tahlil qilinadi. Tadqiqotda metafora, ramziy ifodalar, milliy realiyalar, frazeologik birliklar, muallif uslubi va estetik ta’sir kabi aspektlar chuqur ko‘rib chiqiladi. Shu bilan birga, mashinaviy tarjima tizimlarining imkoniyatlari va cheklovlari, badiiy matnning semantik va madaniy qatlamlarini yetarli darajada saqlashdagi muammolar tahlil qilinadi. Maqolada o‘zbek adabiy matnlarining mashinaviy tarjimasi va inson tarjimon faoliyati o‘rtasidagi farqlar ko‘rsatilib, kelgusida samarali yechimlar yaratish yo‘llari ham belgilab beriladi. Tadqiqot natijalari lingvistik, madaniy va texnologik nuqtai nazardan adabiy tarjima sohasini rivojlantirishga xizmat qiladi.