MASOFAVIY DARSLARDA TALABALAR FAOLIYATINI KUZATISHNING INTERAKTIV USULLARI

Mazkur ilmiy maqolada masofaviy ta’lim sharoitida talabalar faoliyatini kuzatishning interaktiv usullari tahlil qilinadi. Tadqiqotda masofaviy ta’limning pedagogik xususiyatlari, raqamli platformalar orqali talabalar faolligini monitoring qilish mexanizmlari, interaktiv baholash vositalari hamda ularning ta’lim sifati va o‘quv motivatsiyasiga ta’siri ilmiy manbalar asosida o‘rganiladi. Shuningdek, Learning Management System (LMS) platformalari, onlayn testlar, forumlar, videokonferensiya vositalari va analitik kuzatuv texnologiyalarining samaradorligi tahlil qilinadi. Tadqiqot natijalari masofaviy darslarda interaktiv monitoring usullari talabalar faolligini oshirish, o‘quv jarayonining shaffofligini ta’minlash va o‘qituvchining nazorat imkoniyatlarini kengaytirishini ko‘rsatadi.