TIJORAT BANKLARI VA MARKAZIY BANK O'RTASIDAGI FARQ VA O'ZARO BOG'LIQLIK

Mazkur maqolada tijorat banklari va Markaziy bank o‘rtasidagi institutsional farqlar, ularning iqtisodiy tizimdagi funksional vazifalari hamda o‘zaro bog‘liqlik mexanizmlari chuqur tahlil qilinadi. Tadqiqot davomida Markaziy bankning pul-kredit siyosatini amalga oshiruvchi asosiy regulyator sifatidagi roli, tijorat banklarining esa real sektor va aholiga moliyaviy xizmatlar ko‘rsatuvchi muhim bo‘g‘in ekanligi ilmiy asosda yoritiladi. Shuningdek, ushbu ikki moliyaviy institut o‘rtasidagi hamkorlik va nazorat munosabatlarining bank tizimi barqarorligi, moliyaviy intizom va iqtisodiy o‘sishga ta’siri tahlil qilinadi. Maqolada zamonaviy bank tizimi sharoitida Markaziy bank va tijorat banklari o‘rtasidagi muvozanatli munosabatlarni shakllantirishning ahamiyati asoslab beriladi hamda bank tizimining samarali ishlashida ushbu o‘zaro aloqaning strategik ahamiyati ochib beriladi.