YASHIL ENERGIYA MANBALARINING IQTISODIY SAMARASI VA EKOLOGIK BARQARORLIKNI TA'MINLASHDAGI AHAMIYATI

Qayta tiklanadigan energiya manbalari global muammolarni hal etish va insoniyatning barqaror rivojlanishiga o‘tishning asosiy kaliti hisoblanadi. Tadqiqot maqsadi – “yashil” energetikaning shakllanish va ommalashish jarayonini tahlil qilish, uning hozirgi holati, istiqbollari hamda milliy va jahon iqtisodiyotidagi ahamiyatini baholashdir. Ilmiy adabiyotlar va internet manbalarini tahlil qilish, statistik va grafik ma’lumotlar asosida turli davlatlarning “yashil” energetikani rivojlantirish tajribasi taqqoslanadi, uning jahon iqtisodiyotidagi o‘rni ko‘rsatiladi. Milliy darajada rivojlanish darajasini ifodalovchi miqdoriy ko‘rsatkichlar keltiriladi, sabab-oqibat bog‘lanishlari aniqlanadi va qayta tiklanadigan energetika holati hamda istiqbollari haqida xulosalar shakllantiriladi.