O'ZBEKISTON TIJORAT BANKLARIDA MUAMMOLI KREDITLARNI BOSHQARISH MEXANIZMLARINI TAKOMILLASHTIRISH

Mazkur ilmiy maqolada O‘zbekiston tijorat banklarida muammoli kreditlarni boshqarish mexanizmlarini takomillashtirish masalalari tadqiq etilgan. Tadqiqotda bank kredit portfelida muammoli kreditlar shakllanishining institutsional, makroiqtisodiy va mikroiqtisodiy omillari tahlil qilinadi. Muammoli kreditlarni erta aniqlash, monitoring qilish va restrukturizatsiya jarayonlarini samarali tashkil etishning zamonaviy usullari ilmiy asosda o‘rganilgan. Shuningdek, xalqaro bank amaliyoti va Basel standartlari asosida muammoli kreditlarni boshqarishning ilg‘or mexanizmlari baholanib, ularni O‘zbekiston bank tizimiga moslashtirish bo‘yicha amaliy takliflar ishlab chiqilgan. Tadqiqot natijalari tijorat banklarining moliyaviy barqarorligini oshirish, kredit risklarini kamaytirish hamda bank tizimining umumiy samaradorligini ta’minlashga xizmat qiladi.