OILA TURMUSH DOIRASIDA SODIR ETILGAN JINOYATLARNI OLDINI OLISHDA IJTIMOIY PROFILAKTIKANING O'RNI

Oila jamiyatning asosiy hujayrasi sifatida ijtimoiy hayotning barqarorligini ta'minlovchi muhim institutdir. Biroq, oila ichida sodir etiladigan jinoyatlar, xususan, zo'ravonlik, tazyiq va boshqa huquqbuzarliklar jamiyatda jiddiy muammo sifatida namoyon bo'lmoqda. Ushbu muammo nafaqat oila a'zolarining shaxsiy hayotiga, balki butun jamiyatning ijtimoiy va psixologik holatiga salbiy ta'sir ko'rsatadi. O'zbekiston Respublikasida oila-turmush doirasidagi jinoyatlarning oldini olish masalasi davlat siyosatining ustuvor yo'nalishlaridan biri bo'lib, bu borada qabul qilingan qarorlar va qonunlar orqali tizimli choralar ko'rilmoqda.