ИНКЛЮЗИВТІ ОҚЫТУ ОРТАСЫНДА ЕРЕШЕ БІЛІМ БЕРУ ҚАЖЕТТІЛІГІ БАР БАЛАЛАРДЫҢ ШЫҒАРМАШЫЛЫҒЫН ДАМЫТУ

Қазақстандық білім мазмұны ең озық және заманауи тәжірибелерді, соның ішінде инклюзивтік оқыту жүйесін сараптап, жаппай білім беруге енгізу тәжірибесіне бағыт алды. Инклюзивті оқыту ортасына болашақ мамандарды даярлау, әлемдік тәжірибеге сүйене отырып, қазақстандық білім жағдайында ерекше қажеттілігі бар баланың қоршаған әлеуметтік ортаға бейімделуі мен білім алу ерекшеліктері бүгінгі күні осы мәселеге ерекше қарауды талап етеді. Бүгінгі таңда физиологиялық және психологиялық ерекшелігі бар оқушыларды инклюзивтік ортаға баулуда педагог мамандарды даярлау мәселесін жан-жақты қарастыру міндеті тұр. Инклюзивті оқыту жүйесін жалпы қоғам, әлеумет, білім мазмұны ерекше қажеттілігі бар балаға бағытталған рухани бетбұрыс деп қабылдауымыз қажет.