ПЕДАГОГИКАЛЫҚ МАМАНДЫҚТАР СТУДЕНТТЕРІНІҢ МҮМКІНДІГІ ШЕКТЕУЛІ КУРСТАСТАРЫНА ТОЛЕРАНТТЫЛЫҒЫН ДАМЫТУ

Мақалада педагогикалық мамандықтар студенттерінің мүмкіндігі шектеулі курстастарына деген толеранттылығын дамыту мәселесі қарастырылады. Зерттеудің өзектілігі инклюзивті білім беру жағдайында болашақ педагогтердің тұлғалық-құндылықтық бағдарларын қалыптастыру қажеттілігімен негізделеді. Зерттеу барысында студенттердің толеранттылық деңгейін анықтауға бағытталған бастапқы диагностика жүргізіліп, толеранттылықтың декларативті және практикалық көріністері айқындалды. Қалыптастырушы эксперимент аясында интерактивті, рефлексивті және бірлескен оқу әрекетіне негізделген педагогикалық әдістер қолданылды. Эксперимент нәтижелері студенттердің толеранттылық деңгейлерінде елеулі оң өзгерістердің орын алғанын көрсетті. Атап айтқанда, когнитивтік, эмоциялық-құндылықтық және мінез-құлықтық компоненттер бойынша даму динамикасы анықталды. Сандық деректер толеранттылықтың жоғары деңгейіне өткен студенттер үлесінің артқанын дәлелдесе, сапалық талдау нәтижелері студенттердің рефлексивті ойлау қабілетінің дамығанын және инклюзивті ортадағы тең құқықты серіктестік ұстанымын саналы түрде қабылдай бастағанын көрсетті. Зерттеу нәтижелері болашақ педагогтердің кәсіби даярлығында толеранттылықты мақсатты түрде қалыптастырудың маңызын дәлелдеп, педагогикалық жоғары оқу орындарында инклюзивті мәдениетті дамытуға бағытталған арнайы бағдарламаларды енгізудің ғылыми-тәжірибелік негізін ұсынады.