MUSTAQIL TA'LIM FAOLIYATIDA AKT ASOSIDAGI O'QITISH VOSITALARINING SAMARADORLIGI

Mazkur tadqiqot mustaqil ta’lim faoliyatida axborot-kommunikatsiya texnologiyalari (AKT) asosidagi o‘qitish vositalarining pedagogik samaradorligini aniqlashga bag‘ishlangan. Ishda mustaqil ta’lim tushunchasining pedagogik mohiyati, AKT asosidagi o‘qitish vositalarining didaktik imkoniyatlari hamda ularning ta’lim oluvchilarning bilish faolligi, o‘quv motivatsiyasi va refleksiv ko‘nikmalarini rivojlantirishdagi o‘rni ilmiy-nazariy jihatdan tahlil qilingan. Tadqiqot jarayonida AKT vositalarining samaradorligini baholashning kognitiv, motivatsion, faoliyatga oid va refleksiv mezonlari asoslab berilgan. Olingan natijalar AKT asosidagi o‘qitish vositalaridan tizimli va metodik jihatdan asoslangan holda foydalanish mustaqil ta’lim samaradorligini oshirishga xizmat qilishini ko‘rsatadi.