SUN'IY INTELLEKT YORDAMIDA TALABALARNING INDIVIDUAL O'QITISH STRATEGIYALARINI ISHLAB CHIQISH

Mazkur maqolada sun’iy intellekt texnologiyalaridan foydalangan holda talabalarning individual o‘qitish strategiyalarini ishlab chiqish masalalari tahlil qilinadi. Ta’lim jarayonida talabalarning bilim darajasi, o‘rganish tezligi, qiziqishlari va o‘zlashtirish uslublarini aniqlashda sun’iy intellekt asosidagi tizimlarning imkoniyatlari yoritib beriladi. Shuningdek, adaptiv o‘qitish modellari, ma’lumotlarni tahlil qilish va mashinaviy o‘rganish algoritmlarining ta’lim samaradorligini oshirishdagi o‘rni ko‘rsatib o‘tiladi. Tadqiqot natijalari sun’iy intellektga asoslangan individual yondashuv talabalarning motivatsiyasini oshirish, bilimlarni chuqurroq o‘zlashtirish va mustaqil ta’lim ko‘nikmalarini rivojlantirishga xizmat qilishini asoslab beradi.