CHO'LPON SHE'RIY TILIDA METAFORANING BADIIY-ESTETIK VA LINGVOPOETIK FUNKSIYASI

Mazkur maqolada Abdulhamid Cho‘lpon she’riyatida metaforaning poetik va lingvopoetik xususiyatlari ilmiy jihatdan tahlil qilinadi. Tadqiqotda shoirning “Binafsha”, “Buloqlar quchog‘ida” kabi she’riy to‘plamlari asosiy manba sifatida tanlanib, metaforaning badiiy-estetik, semantik va emotsional-ekspressiv funksiyalari ochib beriladi. Metafora Cho‘lpon poetik tafakkurining yetakchi ifoda vositasi sifatida talqin qilinib, uning ruhiy kechinmalarni, ijtimoiy kayfiyatni va yashirin g‘oyaviy mazmunni ifodalashdagi o‘rni lingvopoetik yondashuv asosida yoritiladi. Maqolada metaforaning ko‘p qatlamli semantik tabiati, obraz yaratish imkoniyatlari hamda shoir individual uslubini shakllantirishdagi ahamiyati asoslab beriladi. Tadqiqot natijalari Cho‘lpon she’riyati tilini chuqurroq anglash va o‘zbek adabiyotshunosligida metafora muammosini o‘rganishda muhim ilmiy ahamiyat kasb etadi.