INGLIZ TILI GRAMMATIKASINING RIVOJLANISHI: QADIMGI INGLIZCHADAN ZAMONAVIY INGLIZCHAGACHA

Ushbu maqolada ingliz tili grammatikasining tarixiy taraqqiyoti – qadimgi ingliz tilidan boshlab zamonaviy ingliz tiligacha bo‘lgan davr izchil yoritiladi. Tadqiqotda morfologik, sintaktik va leksik darajadagi o‘zgarishlar hamda ularning ijtimoiy-siyosiy va madaniy omillar ta’sirida shakllanishi tahlil qilingan. Norman bosqini, lotin va fransuz tilidan kirib kelgan so‘zlar, Uyg‘onish davri hamda preskriptiv grammatika an’analarining ingliz tiliga ko‘rsatgan ta’siri alohida o‘rganilgan. Qiyosiy-tarixiy tilshunoslik va korpus tahlili asosida olib borilgan tadqiqot ingliz tili grammatikasining murakkab flektiv tizimdan asosan analitik tuzilmaga o‘tganini, bunda so‘z tartibi va yordamchi fe’llarning markaziy o‘rin egallaganini ko‘rsatadi. Natijada ingliz tili xalqaro miqyosda fan, madaniyat va diplomatiya tili sifatida mustahkam o‘rin egallagan.