ЛЕКСИКАНЫҢ ЖАҢАРУЫ: ЖАҢА СӨЗДЕР МЕН НЕОЛОГИЗМДЕРДІҢ ҚОЛДАНЫСЫ

Бұл мақалада соңғы 5–10 жыл аралығында қазақ тілінің лексикалық құрамында орын алған жаңару үдерістері кешенді түрде талданады. Зерттеу нысаны ретінде жаңа сөздер мен неологизмдердің пайда болу себептері, олардың функционалдық-семантикалық ерекшеліктері және қоғамдық қолданыс аясындағы орны қарастырылды. Әсіресе медиа, ақпараттық технология, саясат, білім және интернет кеңістігіндегі тілдік жаңалықтардың қазақ тілінің сөздік қорын байытудағы рөлі сарапталды. Зерттеу барысында контенттік талдау, салыстырмалы-типологиялық әдіс, корпус лингвистикасының элементтері қолданылды. Нәтижесінде неологизмдердің басым бөлігі экстралингвистикалық факторлармен, атап айтқанда цифрландыру, жаһандану және әлеуметтік-коммуникативтік өзгерістермен тығыз байланысты екені анықталды. Мақала қорытындысында қазақ тіліндегі лексикалық жаңарудың қазіргі даму үрдістері айқындалып, терминологиялық саясатты жетілдіруге бағытталған ғылыми-тәжірибелік ұсыныстар берілді.