PREFIKSATSIYA VA SUFFIKSATSIYANING KOMPYUTER LINGVISTIKASI TERMINLARINING HOSIL BO'LISHIDAGI AHAMIYATI

Ushbu maqolada o‘zbek tilidagi prefiksatsiya va suffiksatsiya jarayonlarining kompyuter lingvistikasi terminlarini shakllantirishdagi o‘rni tahlil qilinadi. Tilshunoslikda affiksatsiya — yangi so‘zlar yasashning muhim vositasi bo‘lib, ayniqsa kompyuter lingvistikasi kabi zamonaviy fan sohalarida terminologiyani boyitishda katta ahamiyat kasb etadi. O‘zbek tili asosan suffiksal tizimga ega bo‘lib, yangi terminlar yaratishda ort qo‘shimchalardan faol foydalaniladi. Prefiksatsiya esa o‘zbek tilida tabiiy jarayon sifatida kam uchraydi, biroq ingliz va rus tillaridan kirib kelgan xalqaro prefikslar orqali yangi atamalar tarkibida qo‘llaniladi. Maqolada prefiksli va suffiksli atamalarning misollari, ularning semantik va grammatik o‘ziga xosliklari ko‘rsatib o‘tilgan. Shuningdek, yangi terminlar yaratishda affiksatsiyaning lingvistik moslashuvchanligi va texnik tushunchalarni ifodalashdagi afzalliklari yoritilgan.