SUDLARDA JAMOATCHILIK ISHTIROKINING ROLI VA AHAMIYATI

Mazkur tadqiqot sudlarda jamoatchilik ishtirokining roli va ahamiyatini nazariy-huquqiy hamda qiyosiy-huquqiy tahlil asosida o‘rganishga bag‘ishlangan. Tadqiqotda sud hokimiyatining shaffofligi va samaradorligini ta’minlashda jamoatchilik ishtirokining tutgan o‘rni yuridik adabiyotlar, xalqaro huquq normalari hamda xorijiy va milliy sud amaliyoti misolida tahlil qilinadi. Tadqiqot doirasida O‘zbekiston Respublikasining amaldagi sud-huquq tizimida jamoatchilik ishtirokining huquqiy asoslari va amaliy holati tahlil qilinib, mazkur institutning ko‘proq formal xarakterga ega ekanligi ilmiy jihatdan asoslab beriladi. Natijada sudlarda jamoatchilik ishtirokini institutsional rivojlantirish, sud jarayonlari ochiqligini ta’minlash va jamoatchilik nazoratini kuchaytirishga qaratilgan ilmiy-amaliy takliflar ishlab chiqilgan.