TIJORAT BANKLARIDA AKTIV VA PASSIV OPERATSIYALARNI BOSHQARISH SAMARADORLIGI

Mazkur tezisda tijorat banklarida aktiv va passiv operatsiyalarni boshqarish samaradorligi masalalari o‘rganiladi. Bank faoliyatining asosiy qismini tashkil etuvchi aktiv operatsiyalar (kreditlar, investitsiyalar, daromad keltiruvchi boshqa joylashtirishlar) hamda passiv operatsiyalar (depozitlar, jalb qilingan mablag‘lar, bank kapitali) o‘rtasidagi muvozanatni ta’minlash bankning moliyaviy barqarorligi va daromadliligini belgilovchi muhim omil hisoblanadi. Ishda bank balansining tuzilishi, aktiv va passivlarni boshqarish tamoyillari, likvidlilik hamda rentabellik o‘rtasidagi bog‘liqlik tahlil qilinadi. Shuningdek, resurs bazasini shakllantirish, foiz marjasini saqlab qolish, risklarni kamaytirish va mablag‘lardan samarali foydalanish yo‘llari ko‘rib chiqiladi. Tadqiqot natijasida aktiv-passiv operatsiyalarni oqilona boshqarish banklarning barqaror rivojlanishi, to‘lovga qobiliyatliligi va raqobatbardoshligini oshirishda muhim ahamiyatga ega ekani asoslab beriladi.