MATLAB ПРОГРАММАСЫНДА СИНГУЛЯРДЫК ЧЕКТИК МАСЕЛЕЛЕРДИ ЧЕЧҮҮНҮН АВТОМАТТАШТЫРЫЛГАН АЛГОРИТМИ

Бул макалада сингулярдык параметр камтылган чектик маселелерди сандык жол менен чечүүнү автоматташтырууга багытталган алгоритм сунушталат. Мындай маселелердин негизги татаалдыгы — өтө кичине параметрдин таасиринен улам чечимдин тез өзгөрүшү жана чекаралык катмарлардын пайда болушу. Бул сандык эсептөөлөрдө тордун туура тандалышы менен тыгыз байланышкан жана катанын өсүшүнө түздөн-түз таасир этет. Изилдөөнүн максаты — сингулярдык дифференциалдык теңдемелерди автоматтык түрдө талдап, туруктуу жана так натыйжа бере турган универсалдуу алгоритмди иштеп чыгуу. Алгоритм борбордук айырмалар схемасын, матрицалык аппроксимация ыкмаларын, катага жараша торду майдалоо жана адаптивдүү көзөмөл механизмдерин бирдиктүү системага интеграциялайт. Иштин жаңылыгы — тор тыгыздыгын, туруктуулукту жана сандык катаны автоматтык көзөмөлдөөчү интеллектуалдык модулду колдонуу. Эксперименттик натыйжалар алгоритмдин сингулярдык системаларда жогорку тактык жана ыкчамдык менен иштей турганын көрсөттү.