ABDURAHMON JOMIYNING ILMIY MEROSI VA PEDAGOGIK QARASHLARI

Ushbu maqolada buyuk alloma, mutafakkir va tasavvuf ilmining yirik namoyandasi Abdurahmon Jomiy (1414–1492)ning ilmiy-ma’rifiy merosi hamda uning pedagogik qarashlari har tomonlama tahlil qilinadi. Jomiyning “Haft avrang”, “Bahoriston”, “Nafahot ul-uns” kabi asarlarida ilgari surilgan ilmga hurmat, ustoz-shogird an’analari, inson kamoloti, axloqiy tarbiya va ma’naviy poklanish g‘oyalari yoritiladi. Shuningdek, allomaning pedagogik qarashlari Sharq ta’lim falsafasi rivojiga ta’siri, uning shaxs tarbiyasida adolat, halollik, odob-axloq, bilim olishning uzluksizligi haqidagi fikrlari asosida ochib beriladi. Tadqiqotda Jomiy ijodining bugungi zamonaviy pedagogik jarayon uchun ahamiyati ham ko‘rsatib berilib, uning merosidan ta’lim-tarbiya sohasida foydalanish yo‘llari tahlil qilinadi.