PIRIMQUL QODIROV ROMANLARIDA TARIXIY DISKURS VA BADIIY NUTQNING LINGVOPOETIK XUSUSIYATLARI ("YULDUZLI TUNLAR" VA "AVLODLAR DOVONI" ASARLARI MISOLIDA)

Mazkur tezisda Pirimqul Qodirovning “Yulduzli tunlar” va “Avlodlar dovoni” romanlari tilshunoslik nuqtai nazaridan tahlil qilinadi. Tadqiqotda tarixiy diskursning badiiy nutq orqali ifodalanishi, tarixiy shaxslar nutqining lingvopoetik xususiyatlari hamda maqol, ibora, naql va o‘xshatishlarning pragmatik vazifalari yoritiladi. Asarlarda personajlar nutqi orqali davr ruhi, ijtimoiy ziddiyatlar va axloqiy qadriyatlar qanday lisoniy vositalar bilan ifodalangani aniqlanadi. Muallif nutqi va dialoglarning stilistik qatlamlari tahlil qilinib, ularning estetik ta’sir kuchi asoslab beriladi. Tezisda tarixiy roman tilining obrazlilik, emotsional-ekspressivlik va xalqona unsurlar bilan boyishi ilmiy jihatdan izohlanadi. Tadqiqot natijalari Pirimqul Qodirov romanlarining o‘zbek badiiy til taraqqiyotidagi o‘rnini aniqlashga xizmat qiladi.