FIBROADENOMA VA KO'KRAK BEZI SARATONI XAVFI O'RTASIDAGI BOG'LIQLIK

Fibroadenoma ko‘krak bezining eng keng tarqalgan benign o‘smasi bo‘lib, asosan reproduktiv yoshdagi ayollarda uchraydi. Odatda u yaxshi prognozga ega va malign transformatsiya xavfi past hisoblanadi. Biroq so‘nggi yillardagi tadqiqotlar ayrim morfologik shakllar, xususan kompleks fibroadenoma, proliferativ o‘zgarishlar yoki atipiya mavjud bo‘lgan holatlarda ko‘krak bezi saratoni rivojlanish xavfi nisbatan yuqoriroq bo‘lishi mumkinligini ko‘rsatmoqda. Bundan tashqari, oilaviy anamnez va genetik predispozitsiya mavjudligi umumiy xavfni oshiradi. Zamonaviy dalillar fibroadenomani mustaqil xavf omili sifatida emas, balki ayrim hollarda ko‘krak bezi saratoniga moyillikni ko‘rsatuvchi marker sifatida baholash zarurligini ta’kidlaydi. Mazkur maqolada so‘nggi 5 yillik adabiyotlar asosida fibroadenoma va ko‘krak bezi saratoni o‘rtasidagi epidemiologik va patogenetik bog‘liqlik tahlil qilinadi.