NASOS STANSIYALARIDA SCADA TIZIMLARIDAN FOYDALANISH

Ushbu ishda nasos stansiyalarida SCADA (Supervisory Control and Data Acquisition) tizimlaridan foydalanishning nazariy va amaliy jihatlari yoritilgan. Zamonaviy avtomatlashtirilgan boshqaruv tizimlari asosida nasos agregatlarining ish jarayonlarini masofadan nazorat qilish, real vaqt rejimida ma’lumotlarni yig‘ish va tahlil qilish imkoniyatlari ko‘rib chiqilgan. SCADA tizimlarining nasos stansiyalari samaradorligini oshirish, energiya sarfini optimallashtirish hamda avariya holatlarini oldindan aniqlashdagi o‘rni tahlil qilingan. Shuningdek, inson omilini kamaytirish orqali texnologik jarayonlarning ishonchliligini ta’minlash masalalariga e’tibor qaratilgan. Tadqiqot natijalari SCADA tizimlarining suv ta’minoti va irrigatsiya sohasida qo‘llanishi nasos stansiyalarining barqaror ishlashini ta’minlashini hamda ekspluatatsiya xarajatlarini sezilarli darajada kamaytirishini ko‘rsatadi.