INGLIZ VA O'ZBEK TILLARIDAGI SINONIMIYA VA ANTONIMIYA HODISALARINING QIYOSIY TADQIQI

Mazkur maqolada ingliz va o‘zbek tillaridagi sinonimiya va antonimiya hodisalari qiyosiy-lingvistik nuqtayi nazardan tadqiq etiladi. Tadqiqotda leksik-semantik tizimning muhim komponentlari bo‘lgan sinonim va antonim birliklarning shakllanishi, semantik tuzilishi hamda funksional xususiyatlari tahlil qilinadi. Har ikki tilda sinonimlarning ma’no nozikliklari, uslubiy rang-barangligi va nutqdagi qo‘llanish doirasi aniqlanadi. Antonim birliklar esa qarama-qarshilikni ifodalashning asosiy vositasi sifatida ko‘rib chiqilib, ularning mantiqiy, semantik va pragmatik jihatlari yoritiladi. Qiyosiy tahlil jarayonida ingliz va o‘zbek tillaridagi sinonimiya va antonimiya hodisalarida umumiylik va milliy xususiyatlar mavjudligi aniqlanadi. Tadqiqot natijalari til tizimini chuqurroq anglash, tarjima amaliyoti va leksikografiya sohalari uchun muhim ilmiy ahamiyatga ega.