INGLIZ VA KOREYS TILLARIDA SAVOL SHAKLIDAGI GAPLARNING QIYOSIY TAHLILI

Ushbu ilmiy ish ingliz va koreys tillarida savol shaklidagi gaplarning grammatik va funksional xususiyatlarini qiyosiy jihatdan o‘rganishga bag‘ishlangan. Tadqiqot davomida savol gaplarning asosiy turlari, ularning yasalish usullari hamda ingliz va koreys tillaridagi o‘xshash va farqli jihatlar batafsil tahlil qilindi. Ingliz tilida savol gaplarning asosan yordamchi fe’llar va qat’iy so‘z tartibi orqali hosil qilinishi, koreys tilida esa savol ma’nosining qo‘shimchalar va intonatsiya yordamida ifodalanishi ilmiy asosda yoritildi. Shuningdek, har ikki tilda savol gaplarning rasmiy va norasmiy nutqda qo‘llanish xususiyatlariga alohida e’tibor qaratildi. Tadqiqot natijalari chet tillarini o‘rganayotgan talabalar uchun nazariy va amaliy ahamiyatga ega bo‘lib, ularning grammatik va kommunikativ kompetensiyasini rivojlantirishga xizmat qiladi.