ӨСІМДІК АУРУЛАРЫН АВТОМАТТЫ АНЫҚТАУҒА АРНАЛҒАН ИНТЕЛЛЕКТУАЛДЫ ЧАТ-БОТТЫ ЖОБАЛАУ

Мақалада ауыл шаруашылығы өсімдіктерінің ауруларын жапырақ кескіндері арқылы автоматты түрде анықтауға арналған чат-бот құру тәсілі қарастырылған. Ұсынылған шешім «BioScan» Telegram-чат-боты мысалында жүзеге асырылды. Жүйе терең оқыту әдістеріне негізделген нейрондық желі моделін қолдану арқылы пайдаланушы жіберген өсімдік жапырағының суретін өңдеп, ауру түрін анықтауға мүмкіндік береді. Модельді оқыту үшін PlantVillage ашық деректер қоры пайдаланылды, ал есептеулер бұлттық серверде орындалды. Бағдарламалық іске асыру Python тілі мен асинхронды чат-бот архитектурасы негізінде орындалды. Ұсынылған шешім өсімдік ауруларын анықтауға арналған интеллектуалды жүйелерді пайдаланушыға ыңғайлы форматта ұсынудың бір мысалы болып табылады және ауыл шаруашылығы саласында цифрлық технологияларды қолданудың перспективалы бағытын көрсетеді.